Од усней по писану литературу

400.00рсд

Автор: Микола Мушинка

Рок виданя: 2017

ISBN: 978-86-7105-298-6

Add to Wishlist
Add to Wishlist
Compare

ОПИС

Микола Мушинка, професор, доктор филолоґийних наукох, иножемни член Националней академиї наукох України, длугорочни предсидатель Асоцияциї українистох и Наукового дружтва „Тарас Шевченко” у Словацкей, народзел ше 20. фебруара 1936. року у валалє Куров у восточней Словацкей.

Як винїмкови фолклорист и познаватель усней традициї Русинох/Українцох у Стреднєй Европи, вон обявел коло сто самостойни кнїжки, вецей стотки науково розправи, на тисячи публицистични статї и рецензиї з вецей обласцох дружтвеного и културного живота.

Його интересованє за фолклор Руснацох у Югославиї, нєшка у Войводини/Сербиї, датує од стредку 60-тих рокох ХХ столїтия, а як резултат того настала кнїжка Фолклор Руснацох Войводини (1988) и вельке число студийох и статьох котри ше безпостредно дотикаю як усней, так и писаней литератури Руснацох у Войводини. После Володимира Гнатюка, Микола Мушинка єден з тих українских науковцох котри найвецей зробели на зазберованю и преучованю фолклора Руснацох у Южней Угорскей, нєшка у Войводини/Сербиї.

З цильом же би ше науковей и фаховей явносци приблїжело и тот корпус його творчосци, значни за русинистику/українистику вообще, пририхтани зборнїк його роботох под назу Од усней по писану литературу. Кнїжка составена з авторових репрезентативних студийох и оглядох на спомнуту тему.

Кнїжку зредаґовал и до друку приготовел Микола М. Цап, а тексти з українского преложели Дюра Латяк и Микола М. Цап.

Quick Navigation
×
×

Cart