ОПИС

 Виривок з рецензиї

У своєй новей кнїжки писньох и приповедкох за дзеци Силвестер Д. Макаї комуникує з дзецми возросту од другей до шестей класи. Вон уходзи до їх швета, до їх мудрих розумчкох хтори ище нє оформени за потреби дружтва и зоз воспитнима стереотипами и пробує ошлєбодзиц їх мрию суґеруюци им най освоя свою нукашню шлєбоду прейґ шмелих одлукох и животних поцагох.

Без огляду у хторим чаше и просторе ше дзецинска мрия розвива, чи у просторе и чаше салашох, валала, чи урбаного амбиєнту, швету пирсинґа и рижних помодних трендох хтори состойна часц того процесу задумованя, здумованя и глєданя идентитета у тим возросту, дзецинска мрия и потреба за ню, оставаю исти. У тей мриї вони беру и доставаю гевто чого нєт у такволаним реалним швеце, або го єст барз мало, вельо менєй як цо им треба.

Микола Шанта