ОПИС

Виривок з рецензиї

Читаюци вибор народних писньох за дзеци за кнїжку „Когуцик ярабик” векшину писньох препознаваме и наводза нас на роздумованє, здогаднуц ше, одкаль их знаме! Зоз оводи, лєбо зоз школских годзинох музичней култури? Чи зоз ,,Заградки,”? Чи од бабох цо нам рецитовали лєбо вишпивoвали кед зме як мали у нїх служели? Знаме  же зме их кедишик чули, цо потвердзує же охабели значни шлїд у нашей рускей литератури. Слухаюци их ,,порушує ше у нас цошка дзецинске, старинске, а нєшкайше – цо окремна вредносц тей збирки.

Мелания Римар добри познаватель рускей литератури, а окреме литератури за дзеци, препознала потребу направиц збирку зоз вибором писньох за наймладших, чийо ше наставанє прецагує през два вики. Народни писнї за одроснутих позберани на єдно место и обявени, а дзеци по тераз нє мали окремну кнїжочку писньох за свой возрост.

Вибрани писнї лєгки, прилаплїви и за штири-пейц рочни дзеци, а найважнєйше же су блїзки и шицким нам, старшим.

,,Когуцик ярабик” будзе звязка  лакоткох за потомкох.

Емилия Костич, вихователька