ОПИС

Тот ІІ том кнїжки  Р У С Н А Ц И  настал як нужна солуция, условена зоз финансийнима обставинами у яких ше 2017. року нашло Видавательне оддзелєнє НВУ „Руске слово“. Першобутни рукопис тей кнїжки  превозишол розположиви финансийни средства, та зме го мушели подзелїц на два часци, т. є. на два томи приблїжно єднакого обсягу. Прето єдна часц поглавя  О Г Л Я Д И  мушела буц пренєшена и до того ІІ тома, гоч би єй баржей швечело буц у рамикох І тома. Алє, кед читачови доступни обидва томи тей кнїжки, вец му нє будзе завадзац подзелєносц того поглавя.

Тиж так, значне читачови дац до знаня же у поглавю П О Р Т Р Е Т И  нє облапени шицки особи чия дружтвена и културна дїялносц заслужела буц доступна явносци. Ту облапени лєм творчи портрети єдней часци тих особох о котрих у прешлих 50 рокох писал автор тих шорикох и  при вибору оценєл же охабели  замерковани шлїд у розвою нашей култури од конца ХІХ та по конєц ХХ вику.

автор