ОПИС

виривок зе рецензиї

Добре и препознатлїво формовани приповедацки талант, чувство за драматурґию и структуру приповедки, лєгки цек приповеданя, спой елемента сучасного и фантастичного, указую же сказка можлїва и цалком ше єй швечи у 21. вику. У каждей єй сказки заступени тот елемент фантастичного як можлїве обраценє у напряме благо-родней правди, щешлївого законченя з побиду очекованей правди з котру ше виправя нєсовершеносц швета. Найменєй ту бешеда о самей припо-ведки, о заплєту и розплєту, ту бешеда о причинох з котрима ше утвердзує цивилизацийна потреба за припове-даньом сказки тим котри буду наютре участвовац або опредзельовац водза-ци параметри на котрих функционує сучасне дружтво. Сказки котри нам понукла авторка маю дих сучасного швета, а заплєт як склоп даякей нєправди препознатлїви сучасним дзецом. Можлїве ришенє яке пону-кнуте у каждей сказки то гевта мета-физична каричка котра дзецом, а будуцим одроснутим, отвера и чува подруче надїї же лєпши швет заш лєм можлїви.

Др Яков Кишюгас