Цецилия Мудри народзена 14. децембра 1949. року у Коцуре. Основну школу закончела у Коцуре и Вербаше а стредню медицинску у Новим Садзе. У Предшколскей установи „Бамби” у Кули почала робиц як помоцнїк виховательки, а познєйше як мс. воспитачка дзе робела у яшелькох. Писнї за дзеци по руски почина писац у периодзе кед робела у Руским Керестуре (1998‒2004). Перши писнї єй обявени у Зборнїку текстох за предшколски дзеци — Ластовичка 2. Анґажовала ше и на орґанизованю предшколскей ґрупи руских дзецох у оводи у Кули, а по пєнзиї и у рамикох РКУД ,,др Гавриїл Костельник”. Як

членїца РКУД ,,др Гавриїл Костельник” зоз Кули, бавела у монодрамох Штефания, авторки Серафини Макаї и Верка волонтерка хтору и написала. Зоз монодрамами госцовала по наших местох (Вербас, Нове Орахово, Нови Сад, Коцур, Петровци, Руски Керестур, Шид). Окрем бавеня у монодрамох, активно участвовала у активносцох шпивацких ґрупох РКУД ,,др Гавриїл Костельник” зоз Кули.