OКСАНА МУДРИ-НЕДИЧ виросла як єденасте дзецко у паноцовскей фамелиї та каждодньово була уключена до рижних зґодох и до видумованя нових бавискох хторих ше и нєшка здогадує, а даєдни з нїх претворела и до приповедкох. Познєйше, кед постала мац пецерих дзецох, до приповедкох вошли нови анеґдоти, а дзецом сказкох, баснох и приповедкох нїґда нє було досц та ше и нови мушели видумац. Найлюбенши приповедки, нашли ше у кнїжки.

Оксана жиє у Коцуре зоз своїм супругом и фамелию. Роби у школи як наставнїк математики. Шлєбодни час люби препровадзовац у дружтве зоз писню и музику.

Народзена є 3. Априла 1966. Року у Коцуре, математику и охрану на роботи студирала у Новим Садзе. Сотрудзує зоз виданями по руски, насампредз зоз часописом за дзеци Заградка.