СОНЯ АЛЕКСИЧ народзена 2. новембра 1992. року у Вербаше. Жиє у Руским Керестуре, а вец уписала Филозофски факултет у Новим Саду, напрям – психолоґия. Хвильково є занята у Основней и штреднєй школи „Петро Кузмяк”.

Писанє за ню першенствено представя вид терапиї, способ дозреваня и похопйованя швета у хторим одросла. Єй скромни початки були у штредньошколским часопису Time out, же би потим свойо тексти почала обявйовац у Християнским часопису „Дзвони”, як и у младежским часопису МАК. Тексти обявени и у Зборнїку литератури младих 2010-2020, односно „Гумно 2: Дзеци з дружтвених мрежох”, як и у Руским християнским календаре. Сотрудзує зоз Радио Новим Садом, прейґ авторскей емисиї нєзависней продукциї „Живот з другого угла” у хторей обрабя теми зоз каждодньового живота.