ЯСМИНА ДЮРАНЇН народзена 6. марца 1977. року у Бад Толзу, у СР Нємецкей. Як штреднє дзецко, дзецинство препровадзела зоз двома шестрами и родичами у Руским Керестуре. Там закончела Основну школу и Ґимназию Петро Кузмяк, а потим и Катедру за руски язик и литературу. Од 2001. року роби у Новинско-видавательней Руске слово, як студентка на рижних роботних местох, а од 2004. року на нєодредзени час прейґ роботи технїчного секретара и лектора, по нєшкайшу одвичательну редакторку сайта Установи и Новинскей аґенциї Рутенпрес. Любов ґу красному слову котру пестовала одмалючка як рецитаторка и ґлумица, преточела до писаня. Перши колумни єй обявени 2011. року у тижньових новинох Руске слово у рубрики Зубати и щербати. Нєодлуга потим, од фебруара 2014. року по нєшка, єй колумни под назву ЖеноблоґИя постали стаємна колумна у рубрики Дом и фамелия. Жиє у Сримскей Каменїци.