ВЛАДИМИР ДУДАШ ‒ ИВАНОВ народзел ше у Руским Керестуре 16. януара 1950. року у Руским Керестуре дзе закончел основну школу ,,Петро Кузмяк”. Школу школярох у привреди закончел у Кули и висшу школу, електро-технїчни напрям ‒ ВКВ аутоелектричар у Вербаше. Ище як школяр у основней школи почал писац писньочки, мали прози до ,,Пионирскей заградки” и „Руского слова”. Перша писньочка ,,Мойо маче” друкована му 1959. року и од теди нєпреривно дацо пише.

Седемдзешатих рокох вельо писал поезию до ,,Литературного слова”, бул дописователь ,,Мак”-у зоз Нємецкей. Писал о наших людзох хтори пошли за хлєбом до швета, дзе и вон робел єден час. Од 2001. року почал посилац свойо композициї на конкурси Фестивала ,,Червена ружа” и ,,Червене пупче”, як и фестивал ,,Ружова заградка”, так же значне число його композицийох и наградзене, а поготов дзецински писнї.

Од 2007 року пише до ,,Заградки” приповедки за дзеци, як и афоризми до „Руского слова”, ,,Дикици”, як и гуморески до „Руского християнского календару”. Жиє у Руским Керестуре и далєй є активни у писаню и як пензионер у лапаню рибох.