-30%

Високо надо мну

140.00рсд

Автор: Саня Тиркайло

Рок виданя: 2007

ISBN: 978-86-7105-173-6

ОПИС

виривок з рецензиї

Кед би пред дзешец роками Саня Тиркайло обявела свою першу кнїжку, сиґурне же би то була барз замеркована поетска кнїжка. Тераз, кед кнїжку обявює у узретших рокох, нє потребне наглашовац же збирка Високо надо мну єй перше озбильнєйше литературне уписованє до часу. То потвердзує узретосц єй поетского виразу, животне искуство, фарби, запахи и ритем єй стихох. Тота кнїжка, каждому хто зна читац поезию, найдиректнєйше сообщує же Саня Тиркайло правдива поетеса, и же ше у кнїжки поезия жени котра спознава и зоз стихом сообщує о судьби, о чловековим тирваню, о узретей любови, о дзецку, безнадїйносци, страху.

Найблїжей, або можебуц найнїзше при женскому писму, Тиркайлова теди кед шпива о любови. Но, анї теди нє пада до спокуси типового, алє писню о любови менує Писня цо наисце любов: придзе, тирва и прейдзе, а збита нє тирва вецей як даскельо стихи. Ридко красна, а так сущно глїбоко зашла до мацеринства, тоту маґию пологу (писня Мой син) у котрей Тиркайлова през єдно, лєм на перши попатрунок симпатичне бависко зоз словами у котрим ше понїщує МО­ЙО и ТВО­ЙО, виписує прекрасну поезию дзецку, поезию котру може розумиц лєм мац.

И тоти, алє и шицки други писнї Санї Тиркайловей котри у зборнїку Високо надо мну бешедую о факту же поета муши буц народзени з талантом у себе. Кажда єй писня ноши у себе наглашени ритем. Тиркайлова барз схопно, та уж и прето барз успишно, хаснує риму у шлєбодним стиху. Єй фарба нє наруцена, вона виходзи з каждого єй стиха. Стих єй заокружени малюнок, а обєдинєни з добру ритмичну орґанизацию писнї єй здабу на найлєпши експресионистични филми.

Стеван Константинович

Quick Navigation
×
×

Cart