-30%

Керестурски калеидоскоп

350.00рсд

Автор: Ксения Варґа

Рок виданя: 2022

ISBN: 978-86-7105-365-5

ОПИС

Виривок з рецензиї

Же ше до дзеветнац приповедкох, у двох циклусох, може змесциц швет єдней заєднїци як цо то Керестур, зоз судьбами своїх жительох, а и тих других, хтори ше пре рижни причини нашли у тим штредку, доказую и тоти приповедки.

Ксению Варґову у тих приповедкох интересовали праве судьби тих других. Тих, хторих до того мирного валалу принесли войново бурї, хтори ше як лайтмотив прецагую у даякей форми през векшину приповедкох, або хто зна пре хтори причини. їх уключованє до нового штредку ноши чежину траценя дома и цалком иншакого живота од того яки ше одвива у єдним мирним штредку як цо то Керестур.

Авторка ма щири порозуменя їх судьбох и сочувствує з нїма у їх нєприлагодзованю або прилагодзованю на обставини у хторих ше нашли. Як каменчки у меселатову ту ше складаю судьби Єврейох, Албанцох, Сербох, Українцох, людзох з Босни, Ромох, Росиянох, Малих Исусових шестрох… А читачом понука и памятки на даскелї ґенерациї хтори жили на тим просторе.

Агнета Бучко Папгаргаї

Please wait while flipbook is loading. For more related info, FAQs and issues please refer to DearFlip WordPress Flipbook Plugin Help documentation.

Quick Navigation
×
×

Cart