Description

Збирка поезиї Олени Планчак-Сакач „Медзи двома побрежями”, котру видала НВУ „Руске слово”, обявена у едициї „Дуга”.

О кнїжки, рецензентка Зденка Валент Белич, медзи иншим, пише: „Евидентне же
Олена Планчак-Сакач интуитивно нагадовала постулати о централним месце
уметносци у гиєрархиї душевних моцох чловекових кед писала Медзи двома
побрежями, и же прето то постало фундаментални принцип єй поетского виразу.
Лирски субєкт тей збирки представя центер гармоничного злученя импулсу з
материю з єдного боку и импулсу за форму з другого. Праве лирски субєкт живе
жридло краси хтори як свойо одраженє пренаходзи красу и у своїм окруженю, и то нє
лєм у найинтимнєйшим кругу, алє и у просторе, штредку, пейзажу, значи у
окруженю у найширшим смислу того слова. Вецка ше тоту красу, хтору можебуц и
нє препознава як зарї власного єства цо сцекли, намага артикуловац як дацо цо
наисце видзене. Цошка як фарбенє швета з власну душу и його нєпреривне повторне
одкриванє.”