ОПИС

Кнїжка „Саскачеван мой други дом”, ма поднаслов Панонски Руснаци на Канадскей прериї, а
заєднїцке є виданє НВУ „Руске слово” и Саскачеванского дружтва рускей култури. З тоту богато фотодокументовану публикацию обявену на трох язикох (по руски, сербски и анґлийски), на вецей як 600 бокох
велького формату, совидавателє конкретно означели свойо ювилеї (80-рочнїца „Руского слова” и 20-рочнїца Саскачеванского дружтва рускей култури), а ґу тому є и символични, перши векши мост повязованя
медзи нашима, рускима институциями у Сербиї (Войводини) и Канади (Саскачевану). То тиж, потераз и найвекши медзинародни проєкт у видавательней дїялносци НВУ „Руске слово”.

З єдним словом, кнїжка представя збирку животних приповедкох шмелих и и вредних наших людзох
и фамелийох хтори остатнї децениї емиґровали до далєкей канадскей провинциї Саскачеван, и нєшка
творя нашу наймладшу орґанизовану дияспору.