-30%

Шитко

210.00рсд

Автор: Олена Планчак Сакач

Рок виданя: 2016

ISBN: 978-86-7105-310-5

ОПИС

(виривок з рецензиї)

У такей кнїжки, луцидно наволаней Шитко, бо ше през єй тексти, як през даяке шитко ошивали нови прилоги ґу нашей литерaтури, и на нїм ше першираз указали обачлїви блїски, и гладки чи тупи шлїди брушеня елементох зоз котрих ше описани дїла состоя. У тей кнїжки ше источасно може провадзиц и креативни рост єй авторки, та и як ше ширела єй спознаваюца основа на котрей вона будовала свойо критериї и черпала арґументи за свой суд.

Дополнююци свою роботну библиотеку, составену улавним зоз виданями Видавательней хижи „Руске слово”, авторка приказох дополньовала и читачово спознаня о актуалней литературней продукциї по руски, нєпреривно ше стараюци же би тоти прикази давали єй вецейдимензионалну слику, похопююци ю як часц насампредз сербскей, та и шветовей литератури, источасно ше поволуюци, тельо же би єй дало озбильносци и континуитет, а же би було розумлїве векшини, и на теорийни литературни сознаня. Так конципована анализа руских кнїжкох дзвига їх вредносц и помага же би ше им пренаходзело заслужене место у тим множеству до котрого наш читатель може дойсц. З тим и тоти анализи источасно доставаю на вредносци. Обявйованє того сцерпезлїво витвореного зборнїка так представя источашнє и припознанє Планчак-Сакачовей нє лєм же вредно оценьовала нови прилоги у рускей литератури, алє и же тей истей литератури помогла змоцнїц самосвидомосц.

Ирина Гарди-Ковачевич

Quick Navigation
×
×

Cart