ОПИС

Виривок з рецензиї

Соня Алексич свойому рукопису дала наслов Правда до хторей я верим. У самим наслове словко Я наглашує моцну индивидуалну димензию тей правди. То єй особна правда до хторей дошла на нєлєгки способ и з тим вона ма ище векшу вредносц.

Єй рукопис глїбоко интимне аж, видно и професийно обгрунтоване зоз сучасну науку подкрипене, патренє на социялни и психолоґийни теми, хторе у основи гуманистични попатрунок на швет и чловека, а на основи християнского роздумованя. Алексичова пише о теми хтору ридко стретаме у литератури, у тим случаю о преживйованю шестри хтора рошнє коло брата цо ма Даунов синдром. Рукопис мож третировац як популарну литературу хтора помага позитивизму у розвою чловека, а з тим и дружтва и на свою улогу у оспособйованю поєдинца знаходзиц ше у хаотичним и компликованшим швеце.

Ирина Гарди Ковачевич